БОЗ ЯК ПУЛИ НАВ МИЁНИ ТОҶИКИСТОНУ АФҒОНИСТОН

Ванҷ, 23 апрел. (АМИТ «Ховар», Л. Дода). — Дар ноҳияи Ванҷ аз болои рӯдхонаи Панҷ бунёди пули «Дӯстӣ», ки Тоҷикистонро бо Афғонистон мепайвандад, бо суръат идома дорад. Дарозии ин пул 216 метр буда, бараш 5 метру 70 см аст. Дар бунёди пули «Дӯстӣ» ҷамъиятҳои «Пайванд», «ГЭС», «Панҷ» ва Сарраёсати геологияи тоҷик ширкад меварзанд. Мавриди зикр аст, ки пули «Дӯстӣ» дар арафаи таҷлили ҷашни Ваҳдати миллӣ, ки соли ҷорӣ дар Бадахшон ҷашн гирифта мешавад, мавриди истифода қарор дода мешавад.