БОЗ ЯК СОҲАИ ДАРОМАДНОК

Душанбе, 8 апрел. (АМИТ «Ховар», Лаззат Диловарзод).- Бино ба гуфти сардори Раёсати чорводории Вазорати кишоварзӣ Музаффар Мирзоев, асппарварӣ дар ҷумҳурии Тоҷикистон яке аз соҳаҳои сердаромад ба ҳисоб меравад. Бинобар ин  бо пешниҳоди мутахассисон    дар ҷумҳурӣ «Барномаи рушди соҳаи асппарварӣ» қабул гардид. Мақсад аз қабули ин барнома, рушди соҳаи зоти аспҳои тоҷикӣ ва муаррифиии ин зот дар арсаи  байналмилалӣ мебошад. Айни замон  дар ҳудуди ҶТ се заводи асппарварӣ, аз ҷумла, заводи «Асппарвар» — и ноҳияи Рӯдакӣ, «Баракат» — и ноҳияи Ҳисор, «Чорводор» — и ноҳияи Вахш ва се хоҷагии асппарварии «Кангурт» — и ноҳияи Темурмалик, «Данғара» — и ноҳияи Данғара ва хоҷагии ба номи Меликмуродови ноҳияи Шаҳринав фаъолият мекунанд.