ДАР СУҒД СОҲАИ ПАРРАНДАПАРВАРӢ РИВОҶ МЕЁБАД

 Суғд, 2 апрел. (АМИТ «Ховар», Мирзалӣ Амонов).- Фабрикаҳои паррандапарварии вилояти Суғд ҷиҳати иҷрои барномаи давлатии рушди соҳа  ва дурнамои тараққиёти он чораҳои мушаххас меандешанд.    Дар ҳамаи фабрикаҳо зиёд кардани саршумор, беҳтар намудани зоти парранда, воридоти технологияи нав, азнавсозии мурғхонаҳо ва мувофиқ гардонидани нигоҳубини парранда ба меъёрҳои муқарраршуда, муҳайё намудани шароит барои нигоҳ доштани маҳсулот, аз ҷумла тухми парранда диққати ҷиддӣ дида мешавад. Аз ҷумла дар Ҷамъияти саҳҳомии «Паррандапарвар-2»-и ноҳияи Ҷ.Расулов бо ворид намудани таҷҳизоти сохти навтарин аз Федератсияи Русия якбора ба 300-350 ҳазор  сар зиёд кардани саршумор замина гузошта шуд.