ДОНИШҶӮЁНИ ТОҶИК БА ҶОИЗАҲОИ БА НОМИ ЛОМОНОСОВ САЗОВОР ГАРДИДАНД

Душанбе,  23 апрел. (АМИТ «Ховар», Людмила  Дубинина ). —  Раиси  Бунёди  рушди «Пажӯҳишгоҳи таҳқиқоти  Аврупо  ва  Осиё» — и  Федератсияи  Русия  Валерий  Турсунов 22  апрел  дар  шаҳри  Душанбе  ба гурӯҳи  калони  донишҷӯёни тоҷик  дипломҳо  ва  стипендияҳои ба номи  М.В.Ломоносовро  супорид. Дипломҳо ва   стипендияҳои ба  номи  Ломоносов  ба  донишҷӯёни  факултаҳои  гуманитарӣ барои  омӯзиши  фаъолонаи   забону  адабиёти  рус  дода  мешавад. Маблағи  стипендияи  мазкур  50  доллари  ИМА буда,  дар  давоми семоҳа  ба  донишҷӯён дода  хоҳад шуд. Дипломҳо  ва  стипендияҳои  мазкур   аз рӯи  натиҷаҳои  се моҳи аввали   соли равон  ба  донишҷӯи  соли  панҷуми  факултаи   забону  адабиёти руси  Донишгоҳи  миллӣ  Равшан  Сафаров,  донишҷӯи  соли  сеюми  факултаи  забону  адабиёти руси  Донишгоҳи давлатии  омӯзгории  шаҳри  Душанбе  Зӯҳро  Мадаминова,  донишҷӯи  соли  сеюми факултаи  филологияи  руси Донишкадаи  давлатии  забонҳои ба номи Сотим  Улуғзода  Фотима  Эгамназарова,  донишҷӯи  соли  сеюми  факултаи  ҳунарҳои  зебои  Консерваторияи  миллии Тоҷикистон Далери  Исматилло,  донишҷӯи соли  дуюми  коллеҷи  омӯзгории  Донишгоҳи  давлатии  Хуҷанд   Фарзона  Акрамӣ,  донишҷӯи  соли  сеюми  факултаи  филологияи  Донишгоҳи давлатии  Қӯрғонтеппа Насиба  Абдуллоева,  донишҷӯи  соли  сеюми  факултаи  забону  адабиёти  Донишгоҳи давлатии  Хуҷанд Нодира  Собирова, донишҷӯи  соли  сеюми  факултаи  филологияи  Донишкадаи  омӯзгории  шаҳри  Панҷакент Фарангис  Олимова ва  донишҷӯи  соли  чоруми   факултаи   забонҳои  хориҷии  Донишгоҳи  давлатии  Хоруғ  Заррина Раҳмонқулова супорида  шуданд. Донишҷӯёнро  ба  ин  муносибат  Сафири  Русия  дар  Тоҷикистон Юрий  Попов,  муовини  ректори Донишкадаи давлатии   забонҳои  ба  номи  Сотим  Улуғзода  Абдулҳамид  Нозимов,  сармутахассиси  шӯъбаи  илм  ва  маорифи  Дастгоҳи иҷроияи  Президенти  ҷумҳурӣ  Таваккал  Маликов,  сардори  Раёсати   маълумоти   олии  касбӣ  ва  такмили ихтисоси омӯзгорони Вазорати  маориф  Ҳакимхон  Валиев  ва раиси   Академияи  маорифи  Тоҷикистон Ирина  Каримова табрик намуданд.