ГЕНЕРАТОРҲО БА МАРКАЗҲОИ ТИББИИ ҶУМҲУРӢ

Душанбе,  16 апрел. (АМИТ «Ховар», Ибодат Давлатова).-   Чуноне, ки  маълум аст, дар кишвар вобаста ба мушкилоти норасоии барқ аҳолӣ танқисӣ мекашад. Аз ҳама зиёд норасоии барқ барои кори мунтазам ва босифати муассисаҳои тандурустӣ халали ҷиддӣ мерасонад. Бо мақсади таъмини кори мунтазами муассисаҳои табобатии кишвар Маркази татбиқи Лоиҳаи тандурустии заминавӣ ва ҷамоавӣ ба  ноҳияҳои вилояти Хатлон: Шурообод, Сарбанд,  Норак,  Қабодиён, инчунин шаҳри Душанбе генераторҳо тақсим намуд. Инчунин, 13 генераторҳои дизелии пуршиддат, ки 12кВт қурб  доранд, барои Марказиҳои саломатии деҳотӣ ва ба Маркази ҷумҳуриявии омори тиббӣ ва ахбороти тиббии шаҳри Душанбе тақсим  карда мешаванд. Ёдовар мешавем, ки Лоиҳаи тандурустии заминавӣ ва ҷамоавӣ,   ислоҳоти соҳаи танудурустиро татбиқ менамояд, дар баробари сохтмони муассисаҳои тиббӣ, омӯзиши кормандони тибб ва таъмин бо асбобҳои тиббию корӣ, муҷаҳҳазсозӣ ва таъмини пурраи марказҳои саломатӣ ва хонаҳои саломатии ноҳияҳои таҷрибавӣ фаолият мебарад.