ГЕРОИН ДАР АНҶОМХОНА
Душанбе, 6 апрел. (АМИТ «Ховар», Жасмин Назарова). – Аз ҷониби кормандони раёсати мубориза бар зидди муомилоти ғайриқонунии маводи нашъадори Вазорати корҳои дохилӣ дар натиҷаи гузарондани амалиёти фаврӣ-ҷустуҷўӣ миқдори зиёди маводи нашъадор дарёфт ва мусодира карда шуд. Тавре аз дафтари матбуоти Вазорати корҳои дохилии ҶТ иттилоъ доданд, шаҳрванд Ҷӯра Абдураҳмонов, соли таваллудаш 1955, истиқоматкунандаи шаҳри Душанбе, дастгир карда шуд. Ҳангоми азназаргузаронии хонаи истиқоматиаш аз анҷомхона 22 кг 740 гр маводи сахттаъсири героин дарёфт ва мусодира карда шуд. Ҳамчунин аз ҷониби кормандони шўъбаи корҳои дохилии ноҳияи Шоҳмансури пойтахт шаҳрванд Раҳим Давлатов, соли таваллудаш 1987, сокини кўчаи Миралии шаҳри Душанбе дастгир гардид. Ҳангоми кофтукови шахсӣ аз борхалтаи ў зиёда аз 27 кг маводи нашъадори навъи ҳашиш дарёфт ва мусодира карда шуд. Нисбати ин далелҳо парвандаи ҷиноӣ оғоз шуда, тафтишот идома дорад.
Имрӯз дар ноҳияҳои доманакӯҳи Тоҷикистон бориши борон пешгӯӣ мешавад
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
