КИШТИ БАҲОРӢ ДАВОМ ДОРАД

Душанбе, 23 апрел. (АМИТ «Ховар», Лаззат Диловарзод).- Бино ба маълумоти Агентии омори назди Президенти ҶТ, то 15 – уми апрели соли 2010 дар ҳамаи корхонаҳои кишоварзӣ ва хоҷагиҳои деҳқонӣ (фермерӣ) – и ҷумҳурӣ дар масоҳати 130 ҳазор гектар замини кишт зироатҳои баҳорӣ гузаронида шудааст. Аз он ҷумла кишти ғалладона  (бе ҷуворимакка) 75 ҳазору 419 гектар, зироатҳои техникӣ — 19967, аз онҷумла пахта 8 ҳазор гектар, картошка -3, сабзавот -10310 ва зироатҳои хӯроки чорво 11955 гектарро ташкил медиҳад, ки дар муқоиса ба ҳамин давраи  соли 2009 ғалладона 20 фоиз, картошка -4, сабзавот -25 ва зироатҳои техникӣ-  62, пахта -82 фоиз ва зироатҳои хӯроки чорво – 13 фоиз кам кишт шудааст. Кишти баҳорӣ дар саросари ҷумҳурӣ давом дорад.