МАСОҲАТИ БОҒҲО ВАСЕЪ МЕШАВАНД

Турсунзода, 9 апрел. (АМИТ «Ховар», Ҳотам Рабиев).-Маъракаи ниҳолшинонӣ ва кабудизоркунӣ дар шаҳру ноҳияи Турсунзода бо муваффақият идома дорад. Тибқи иттилои сардори шӯъбаи ҳифзи муҳити зисти шаҳри Турсунзода Исломиддин Солиев ба хабарнигори АМИТ «Ховар», то имрӯз зиёда аз 112 ҳазор бех ниҳолҳои мевадор сояафкан ва ороишӣ шинонда шуд. Ҳамчунин тибқи нақшаи шӯъбаи мазкур дар тамоми ҳудуди шаҳру ноҳия аксияи тозагии маҳал идома дорад, ки кормандони шӯъба дар ташкилу санҷиши ин маъракаи муҳим ҳисаи арзанда доранд. Ҳоло дар шаҳру ноҳия 634 гектар боғ, 1730 гектар токзор, 51 гектар дарахтони субтропикӣ парвариш меёбанд. Дар нақша гирифта шудааст, ки боз дар масоҳати 950 гектар боғу токсор бунёд карда шавад.