МУЛОҚОТИ Ҳ.ЗАРИФӢ БО САФИРИ НАВИ ТУРКМАНИСТОН

Душанбе,  9 апрел. (АМИТ «Ховар», Наталя  Михайлова). —  Вазири  корҳои  хориҷии  Ҷумҳурии  Тоҷикистон  Ҳамрохон  Зарифӣ  имрӯз бо  сафири  нави  Туркманистон  дар  Тоҷикистон Нӯкаргулӣ  Отагулиев  мулоқот  кард.  Сафири  Туркманистон  ба  вазири  корҳои  хориҷии  Тоҷикистон  нусхаи эътиборномаи  худро  супорид. Ҳамрохон  Зарифӣ  Нӯкаргулӣ Отагулиевро  ба  муносибати  ба  ин  вазифа таъин  гардиданаш  табрик  намуда,  ба  ӯ  дар  густариши  минбаъдаи  муносибатҳои  дуҷонибаи  Тоҷикистону  Туркманистон  барору  комёбӣ  орзу  намуд. Сипас  мусоҳибон   маҷмӯи  масъалаҳои   марбут ба  вусъати  ҳамкории  мутақобилан  муфиди  кишварҳояшонро  мавриди  баррасӣ  қарор  доданд. Қайд  карда шуд, ки  ҳар ду  мамлакат  барои густариши  муносибатҳо   ва  ҳамкории  дуҷониба дар  ҳамаи  соҳаҳо  кӯшиш  ба  харҷ  медиҳанд.