ОМОДАГИИ ТЕХНИКА БАРОИ ҶАМЪОВАРИИ ҲОСИЛ -2010

Душанбе, 12 апрел. (АМИТ «Ховар», Лаззат Диловарзод).- Бино ба иттилои маркази матбуот ва иттилооти Вазорати кишоварзӣ, барои маъракаи ҷамъоварии «Ҳосил-2010»   дар корхонаҳои кишоварзӣ ва  хоҷагиҳои деҳқонии ҷумҳурӣ 651 комбайнҳои  ғалладарав, 512 адад достҳои тракторӣ, 250 адад комбайнҳои хӯроки чорвоғундор ва силосғундор, 241 адад тойбанду тагрезчинҳо, 179 адад мошинҳои пахтачинӣ, 88 адад мошинҳои кӯракғундор мавҷуд аст. Айни ҳол 334 комбайни ғалладарав, 274 адад достҳои тракторӣ, 135 адад комбайнҳои хӯроки чорвоғундор, 130 адад тойбанду тагрезчинҳо. 9 адад мошинҳои пахтачин, 25 адад мошинҳои кӯракғундор ва 2 адад пахтахушккунакҳо  ба кор омода карда шудаанд. Ҳолати омодагии техника дар ВМКБ 81 фоиз, дар вилояти     Суғд- 70, дар вилояти Хатлон — 62 ва дар НТҶ 60 фоизро ташкил медиҳад