РОҲПАЙМОИИ ШАҲРВАНДИ ТОҶИКИСТОН АЗ РЯЗАН ТО ДУШАНБЕ

Душанбе,  1  апрел. (АМИТ «Ховар», Наталя  Михайлова). —  Сафоратхонаи  Ҷумҳурии  Тоҷикистон  дар  Федератсияи  Русия  ба  ҳамаи  шаҳрвандони  Тоҷикистон  ва  роҳбарони  ҷамъиятҳои  тоҷикон  дар   Русия  хабар  медиҳад, ки   ҳамдиёри  мо  Алексей  Амиршоевич  Авғонов  ба  муносибати  иди  65 —  солагии   ғалаба  бар  фашизми Олмон  ва  19 – солагии  истиқлолияти  Ҷумҳурии Тоҷикистон  қарор  додааст, ки  аз  шаҳри Рязани  Федератсияи  Русия то  шаҳри  Душанбе  пиёда  роҳпаймоӣ  кунад. А.Авғонов  дар  шаҳри  Рязан  зиндагӣ  мекунад. Ӯ 27  март  аз Рязан пиёда  ба  роҳ  баромад. Авғонов 31  март ба  деҳаи  Шиловои  вилояти  Рязан  расид.  Роҳи  сафари  минбаъдаи  ӯ  аз  маҳалҳои  аҳолиниши Шатск – Пенза – Сизран – Толяти – Нефтегорск – Самара – Бузулук – Оренбург – Орск – Алмаато – Бишкек – Тошканд – Бухоро – Самарқанд – Конибодом  ва  Айнӣ гузашта,  дар  шаҳри  Душанбе ба  охир  мерасад. А.Авғонов  рӯзи  9  сентябри  соли  2010  — дар  рӯзи  иди  истиқлолияти  Тоҷикистон  ба  шаҳри  Душанбе  хоҳад рафт. Сафоратхонаи  Тоҷикистон  дар  Федератсияи  Русия  аз  ҳамаи  ҳамдиёрон  ва   намояндагони  сафоратхонаҳои  Тоҷикистон  дар  Қазоқистон, Қирғизистон  ва  Ӯзбекистон  хоҳиш  менамояд, ки  ба А.Авғонов  дар  амалӣ  сохтани  иқдоми  хайрхоҳонааш  кӯмак  расонанд.