ШУМОРАИ БЕМОРОНИ СИЛ КОҲИШ ЁФТААСТ

Душанбе, 6 апрел. (АМИТ «Ховар», Лаззат Диловарзод).-  Бино ба иттилои сармутахассиси Вазорати тандурустӣ Қурбонгул Зокирова, шумораи бемории сил дар Ҷумҳурии Тоҷикистон нисбат ба солҳои қаблӣ коҳиш ёфтааст. Ба ақидаи сармутахассис, нишондиҳандаи баланди беморӣ пеш аз ҳама дар ВМКБ ба назар мерасид, ки он дар соли 2009 ба 100 ҳазор нафар аҳолӣ 104,8 нафар, дар вилоятҳои Хатлон – 103, Суғд – 47,8 ва дар ноҳияҳои тобеи ҷумҳурӣ 74,1 нафар рост омад. Ҳамин тавр дар ҷумҳурӣ соли 2009 5864 нафар беморони мубталои сил ба қайд гирифта шудааст, ки нисбат ба 5 сол  пеш хеле кам аст. Ба гуфти ҳамин манбаъ,  соли 2009 беш аз 450 нафар беморони гирифториин беморӣ аз дунё даргузаштанд.