ТАТБИҚИ ЛОИҲАҲОИ «РУШДИ ДЕҲОТ»

Душанбе, 22 апрел. (АМИТ «Ховар», Лаззат Диловарзод).- Муассисаи давлатии маркази идоракунии лоиҳаҳои «Рушди деҳот», ки бо дастгирии Ҳукумати ҷумҳурӣ аз ҳисоби қарз ва грантҳои Бонки Осиёгии Рушд ва дигар ташкилотҳои сармоягузори хориҷӣ таъсис дода шудааст,   давлати   як сохтори нав буда,  бо мақсади рушди соҳибкорӣ дар деҳот фаъолият мекунад. Бино ба гуфти директори  лоиҳа Усмон Сабзов, он асосан ба  бахшҳои боғдорӣ, чорводорӣ, барқарорсозии тартиби ирригатсионӣ ва инфраструктураи деҳот нигаронида шудааст. Яке аз мақсадҳои таъсиси лоиҳа ба кор ҷалб кардани занони хонанишини деҳот  ва аҳолии бекори маҳаллӣ ба шуғли меҳнат мебошад. Лоиҳа айни замон 719 ҳазор нафар сокинони деҳотро дар доираи 6958 оила муттаҳид карда, барои амалӣ шудани он 400 ҳазор гектар замин ба онҳо вобаста карда шудааст. Дар доираи амалӣ шудани лоиҳа 5 ноҳияи пилотӣ (интихобӣ- таҷрибавӣ)- Ваҳдат, Роғун, Рӯдакӣ Варзоб ва Файзобод дохил мегарданд, ки маблағи умумии лоиҳа барои ин ноҳияҳо 23,3 млн.доллари амрикоиро ташкил медиҳад.