ВОСИТАҲОИ АХБОРИ ОММАВӢ ВА ОЗОДИИ СУХАН

Душанбе,  30 апрел. (АМИТ «Ховар», Лутфия  Эшонқулова). —  3  май Рӯзи  ҷаҳонии  озодии  сухан  таҷлил  карда  мешавад. Имрӯз  ба  ин  муносибат   дар  Иттифоқи  журналистони  Тоҷикистон дар  мавзӯи  «Озодии  сухан  ва  проблемаҳои  воситаҳои  ахбори  оммавии Тоҷикистон»  машварат  баргузор  гардид. Дар  машварат  аъзои  Иттифоқи  журналистон,  намояндагони  Анҷумани  миллии воситаҳои  ахбори мустақил, Дафтари  ҳифзи ҳуқуқи  инсон  ва  риояи  қонуният, Бунёди ёдбуд  ва  ҳифзи  ҳуқуқи  журналистон  ширкат  варзиданд.    Дар  доираи  машварати  мазкур  таҳти  унвонҳои  «Бӯҳрони  ҷаҳонии  молиявӣ  ва  воситаҳои  ахбори  оммавии  Тоҷикистон» ва «Озодии  сухан дар  Тоҷикистон»  маҳфилҳо баргузор  гардиданд.