390 МЛН. СОМОНӢ БАРОИ РУШДИ КИШОВАРЗӢ

Душанбе, 18 май. (АМИТ «Ховар», Лаззат Диловарзод).- Бо мақсади таъмини рушди   кишоварзӣ ва амнияти озуқаворӣ барои соли 2010 дар  буҷаи ҷумҳурӣ 390 млн. сомонӣ пешбини шудааст, ки ин нисбат ба соили 2009 60 млн. сомонӣ зиёд аст. Дар баробари ин, барои ҳалли масъалаҳои бо оби нӯшокӣ таъмин намудани аҳолӣ, барқарор намудани ҳолати мелиоративии заминҳои кишоварзӣ, муайян намудани масоҳат ва кадастри замин ҷудо кардани 200 млн. сомонӣ дар назар аст, ки он нисбат ба соли 2009 33 фоиз зиёд мебошад. Ба ояндаи соҳаи кишоварзии Тоҷикистон назар карда, Президенти кишвар Эмомалӣ Раҳмон дар Паёми худ ба Маҷлиси Олии ҷумҳурӣ иброз доштааст, ки бахши кишоварзӣ яке аз соҳаҳои муҳимтарини иқтисоди миллӣ буда, таъмини ҳадафи стратегии ҳукумат аз сатҳи рушди он вобаста аст.