БУНЁДИ ИНШООТҲОИ ҲАЁТАН МУҲИМ

Душанбе, 20 май. (АМИТ «Ховар», Лаззат Диловарзод).- Бино ба  маълумоти Вазорати энергетика ва саноати ҷумҳурӣ, имрӯзҳо бунёду барқарорсозии иншоотҳои ҳаётан муҳими кишвар, аз ҷумла нерӯгоҳҳои барқи обии «Роғун», «Сангтӯда — 2», Маркази дуюми барку гармидиҳии Душанбе, нерӯгоҳҳои хурду миёна дар дарёҳҳои Вахш ва Зарафшон, хати интиқоли барқи Тоҷикистон –Афғонистон, таҷдиди силсиланерӯгоҳҳои дарёҳои Варзоб ва  Вахш, аз ҷумла нерӯгоҳи барқи обии «Норак» давом дорад. Дар баробари ин, ҳамчунин сохтмон ва азнавсозии роҳҳои мошингарди Душанбе – Чаноқ, Душанбе — Кӯлоб – Қалъаи Хумб – Хоруғ – Қулма, Душанбе – Саритош, Қӯрғонтеппа -Дӯстӣ ва нақбҳои мошингузари «Истиқлол», «Озодӣ», «Шаҳристон», «Чормағзак» ва роҳи оҳани Душанбе — Қӯрғонтеппа аз муҳимтарин иншоотҳое ҳастанд, ки барои ҳамкориҳои иқтисодии Тоҷикистон  ба кишварҳои ҳамсояи наздику дури Осиёву Аврупо мусоидат мекунанд.