ХАБАРИ БАРДУРӮҒИ «ЦЕНТРАЗИЯ. РУ»
Душанбе, 17 май. (АМИТ «Ховар», Наталя Михайлова). — Сайти интернетии «ЦентрАзия.Ру» 14 май мақолаи Латиф Кабиров ном мухбири худро таҳти унвони «Дар Тоҷикистон ба қисми ҳарбӣ ҳуҷум оварданд» чоп кардааст. Дар мақола бо истинод ба намояндаи прокуратураи низомии Тоҷикистон хабар дода мешавад, ки шахсони номаълум охири моҳи апрел шабона ба хизматчиёни ҳарбии комендатураи марзбони «Бӯстон» — и Раёсати артиши марзбони «Суғд» — и Кумитаи давлатии амнияти миллӣ дар ноҳияи Мастчоҳ ҳуҷум оварданд. Онҳо аз марзбонон 12 автомати Калашников ва тирдонҳои онҳоро кашида гирифта, ба самти номаълум ғайб задаанд. Дафтари матбуоти Раёсати умумии марзбони Кумитаи давлатии амнияти миллии Тоҷикистон изҳор менамояд, ки хабари мазкур комилан дурӯғ буда, ягон асоси воқеӣ надорад. Роҳбари дафтари матбуоти раёсати мазкур Хушнуд Раҳматуллоев зикр намуд, ки тӯли рӯзҳои гузашта ба ягон қисми ҳарбии артиши марзбони Тоҷикистон ҳуҷум карда нашудааст. Ҳамаи қисмҳои ҳарбии дар сарҳади давлат ҷойдошта мувофиқи тартиботи муқаррарӣ кор мекунанд.
Муассисаҳои таълимӣ ноҳияи Муъминобод ба зимистонгузаронӣ омода карда мешаванд
Имрӯз дар шаҳри Душанбе ҳаво то 21 дараҷа гарм мешавад
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
«МегаФон Тоҷикистон»: зеҳни сунъӣ- муфид ва бехатар
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Конибодом иҷро гардид
