КӮМАКИ БАШАРДӮСТОНАИ ДАВЛАТҲОИ ҶАҲОН БА ТОҶИКИСТОН

Душанбе,  18 май. (АМИТ «Ховар», Покиза  Маҳмадбекова). —  Аз  моҳи  январ  то  моҳи  апрели  соли 2010  36  давлати   ҷаҳон  ба  Тоҷикистон  ба  маблағи  31,6  миллион  доллари  ИМА   кӯмаки  башардӯстона  расониданд.  Саҳми  бештари  кӯмаки  башардӯстона  ба  мамлакати  мо  ба  ИМА  рост  меояд.  Дар  ин  бобат   ҷойҳои  минбаъдаро  Олмон, Ҷумҳурии  Куриё,  Дания,  Малайзия,  Қазоқистон,  Русия, ва  Туркманистон  ишғол  менамоянд. Аз  моҳи  январ то  моҳи  апрел  ба  Тоҷикистон 9,5  ҳазор тонна  кӯмаки  башардӯстона,  аз  ҷумла,  бештар аз 4  ҳазор  тонна  орд, 2  ҳазор тонна  равғани наботӣ,  ба  маблағи  зиёда  аз   16  миллион  доллари  ИМА  дору, инчунин   миқдори  зиёди  пойафзол,  либос, нақлиёт,  компютер ва  қисмҳои  эҳтиётии онҳо  ворид  гардид.