КОМЁБИҲО НАЗАРРАСАНД
Шаҳринав, 27 май. (АМИТ «Ховар». Ҳотам Рабиев)- Фаъолияти мактаб-интернати ҷумҳуриявии шаҳраки Шаҳринав сол то сол рў ба беҳбудӣ ниҳода, шароити таълим ва зисти хонандагон беҳтар мегардад. Хонандагон ба хўроки гарми 4 вақта таъминанд. Дар назди мактаб-интернат хоҷагии ёрирасон фаъолият дорад. Алҳол миқдори хонандагон дар ин даргоҳи умед 302 нафарро ташкил медиҳанд. Комёбиҳои хонандагон дар озмунҳои ноҳиявию минтақавӣ, ҷумҳуриявию байналмилалӣ назаррас аст. Масалан, Файзулло Сафаров хонандаи синфи 11 аз фанни «Асосҳои давлат ва ҳуқуқ» дар озмуни ҷумҳуриявӣ сазовори ҷои сеюм ва медали бринҷӣ гашт. Хонандаи синфи 9 Фирўз Ҳаитов бошад, дар озмуни байналмиллалӣ аз фаннӣ «Асосҳои илм» дар шаҳри Екатеринбурги Федератсияи Русия ғолиби озмун гашта, бо медали бринҷӣ қадр карда шуд. Мактаб-интернат бо корҳои истеҳсолӣ низ машғул аст. Дар устохонаи мактаб-интернат сехи дуредгарӣ фаъолият дорад. Дар сехи мазкур хонандагони синфҳои болоӣ ба истеҳсоли мизу курсӣ ва асбобҳои хониш машғуланд.
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор гардид
Имрӯз дар ноҳияҳои алоҳидаи Тоҷикистон чангу ғубор ба амал меояд
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
