КОР ДАР 5 ЗЕРЛОИҲА АНҶОМ МЕЁБАД

Душанбе, 7 май. (АМИТ «Ховар», Лаззат Диловарзод).- Бино ба иттилои директории Муассисаи давлатии маркази идоракунии лоиҳаи «Рушди деҳот» Усмон Сабзов, дар нимсолаи аввали соли 2010 дар иншоотҳои «Барқарор намудани канали дохилии Дашти Бед» дар ҷамоати деҳоти ба номи А.Абдулвосиеви шаҳри Ваҳдат, «Сохтмони хатти оби нӯшокӣ» дар деҳаи Тахти Алифи ҷамоати деҳоти Чашмасори ноҳияи Файзобод, сохтмони кӯпрук дар километри 4 –уми роҳи автомобилгарди Чорбоғ – Чормағзакон –и ҷамоати деҳоти Чорбоғи ноҳияи Варзоб корҳои амалӣ огоз мегардад. Боиси зикр аст, ки аз зерлоиҳаҳои пешниҳодшуда 6 зерлоиҳаи афзалиятнок мавриди омӯзишу  баррасии мутахассисон қарор гирифта, 5 зерлоиҳа дар арафаи анҷомёбӣ мебошад.