КОРХОНАИ НАВИ ДӮЗАНДАГӢ
Истаравшан, 7 май. (АМИТ «Ховар», Санавбар Мақсудова). — 6 май дар маҳаллаи Гагарини шаҳри Истаравшан Ҷамъияти саҳҳомии «Хуршеди Истаравшан» дар вазъияти ботантана кушода шуд. Дар маросими ифтитоҳи корхона Сарвазири ҷумҳурӣ Оқил Оқилов, раиси вилояти Суғд Қоҳир Расулзода ва раиси шаҳри Истаравшан Мунъим Холиқов иштирок доштанд. Тасмаи рамзии ҳусни оғози фаъолияти корхонаро Оқил Оқилов ва Қоҳир Расулзода буриданд. Ҳамон рӯз роҳбарияти «Хуршеди Истаравшан» барои ҷамъомадагон зиёфати идона ороста, ба 25 нафар иштирокчии ҷанг ва аскари интернатсионалист тӯҳфаҳои хотиравӣ супорид. Ҷамъияти саҳҳомии «Хуршеди Истаравшан» корхонаи дӯзандагӣ буда, онро соҳибкор Баҳром Мӯъминҷонов кушод. Барои сохтмони бинои дуошёнаи корхона ва хариди дастгоҳҳои дӯзандагӣ 340 ҳазор сомонӣ сарф шуд. Айни ҳол дар ин ҷо 40 нафар зану духтари маҳаллӣ кор мекунад. Рӯзҳои наздик боз ҷойҳои нави корӣ т ашкил карда мешаванд. Дар корхона либосҳои занона, аз ҷумла, куртаҳои миллӣ, зардӯзӣ, гулдӯзӣ, каллапӯшҳои зардӯзӣ ва навъҳои гуногуни кӯрпа дӯхта мешаванд. Соҳибкор Б. Мӯъминҷонов қабл аз ин корхонаи равғанкашӣ кушода, 32 нафарро бо кор таъмин карда буд.
Дар Маркази тадқиқоти стратегӣ бахшида ба Рӯзи Конститутсия конфронси илмию амалӣ доир шуд
Имрӯз дар ноҳияҳои алоҳидаи кӯҳии Тоҷикистон борон меборад
Муассисаҳои таълимии ноҳияи Муъминобод ба зимистонгузаронӣ омода карда мешаванд
Дастаи мунтахаби наврасони Тоҷикистон (U-15) ғолиби дивизиони «D»-и чемпионати ҷаҳон-2026 ва фестивали ФИФА гардид
15 СОЛИ СОЗАНДАГӢ. Дар Душанбе ҳамоиши «Созандагони Ватан» доир шуд
Намояндаи Академияи миллии илмҳои Тоҷикистон дар конфронси вазирон оид ба истифодаи технологияҳои кайҳонӣ иштирок намуд
Дар қисми низомии Вазорати мудофиаи Ҷумҳурии Тоҷикистон ҳамоиши сиёсӣ-маърифатӣ баргузор гардид
Роҳбарони парламентҳои давлатҳои Осиёи Марказӣ дар пояи муҷассамаи Исмоили Сомонӣ гулчанбар гузоштанд
