М. НЕЪМАТОВ БА АРАБИСТОНИ САУДӢ МЕРАВАД

Душанбе, 24 май. (АМИТ «Ховар», Жасмин Назарова). – Аз 23 то 28 майи соли равон дар шаҳри Ар – риёзи мамлакати Арабистони Саудӣ таҳти сарпарастии подшоҳи Арабистони Саудӣ Конфронси байналмилалии туристии кишварҳои аъзои Созмони Конфронси Исломӣ баргузор мегардад. Тавре аз маркази матбуоти Кумитаи ҷавонон, варзиш ва сайёҳии назди Ҳукумати ҶТ иттилоъ доданд, бо дарназардошти имконияти мусоид барои муаррифии захираҳои бойи туристии кишвар ва ҷалби таваҷҷӯҳи намояндагони мамлакатҳои кишварҳои аъзои созмон бо имкониятҳои соҳавии Ҷумҳурии Тоҷикистон дар кори Конфронс Маликшо Неъматов Раиси Кумитаи ҷавонон, варзиш ва сайёҳии назди Ҳукумати ҶТ иштирок мекунад.