МАШВАРАТИ РОҲБАРОНИ МУАССИСАҲОИ АНДОЗИ ИДМ ДАР ДУШАНБЕ

Душанбе,  26 май. (АМИТ «Ховар», Фарангис  Раҳимова). —  3  июн  дар  шаҳри  Душанбе   маҷлиси  25 – уми  Шӯрои   роҳбарони  муассисаҳои  андози  назди  Кумитаи  ҳамгироии Ҷомеаи  иқтисодии  Евразия  ва  Шӯрои  17  — уми  ҳамоҳангсози  роҳбарони  муассисаҳои  тафтиши   андози  давлатҳои  ИДМ  кушода  мешавад. Дар  маҷлис  масъалаҳои  марбут ба  истифодаи   нисбии   роҳу  усулҳои   муайян  намудани  корхонаю  муассисаҳои  андозсупоранда,  пешгирӣ  намудани   андозбандии  дубора,  роҳу  усулҳои   пешгирии   саркашӣ  аз  пардохти  андоз  ва  ғайра  муҳокима  карда  мешаванд. Тибқи  нақша  дар  машварати  мазкур  Сарвазири Тоҷикистон  Оқил  Оқилов  иштирок  хоҳад  кард.