МУЛОҚОТИ Ҳ.ЗАРИФӢ БО САФИРИ РУСИЯ

Душанбе,  7 май. (АМИТ «Ховар»,  Наталя  Михайлова). —  Вазири  корҳои  хориҷии  Тоҷикистон  Ҳамрохон  Зарифӣ  дирӯз  сафири  Русия  дар  Тоҷикистон  Юрий  Поповро  бо  хоҳиши  ӯ  ба  ҳузур  пазируфт. Зимни  сӯҳбат   масъалаҳои   вазъи  имрӯзаи  муносибатҳо  ва  ҳамкории  дуҷонибаи  Тоҷикистону  Русия  муҳокима  шуданд. Ҳ.Зарифӣ   таваҷҷӯҳи  Юрий  Поповро  ба  қарори  хадамоти  федералии  назорат  ва  ҳифзи  ҳуқуқи  истеъмолгарони  Федератсияи  Русия  дар  бораи  манъи  ворид  сохтани  меваи  хушк  аз  Тоҷикистон  ба  қаламрави  Русия  ҷалб  намуда,  хоҳиш  кард, ки   имконияти  бекор  кардани  қарори  мазкур  баррасӣ  карда  шавад. Сипас  Ю.Попов ба  Ҳ.Зарифӣ  дар  бораи  ҳайати   намояндагони  Русия  дар  маҷлиси  Шӯрои  вазирони   корҳои  хориҷии  мамлакатҳои  аъзои  Созмони  конфронси  исломӣ  маълумот  дод, ки  18 – 20  май дар  Душанбе баргузор  мегардад.