НАМОИШИ КИТОБҲОИ ЧИНӢ ДАР ДУШАНБЕ

Душанбе,  26 май. (АМИТ «Ховар», Людмила  Дубинина). —  Бо ташаббуси  Маркази  маърифатии  Конфутсияи  Донишгоҳи  миллии  Тоҷикистон 25  май   дар  Донишгоҳи  славянии  Тоҷикистону  Русия  намоиши   китобҳои  чопи  Ҷумҳурии  Мардумии  Чин  кушода  шуд.   Ҳадафи  намоишгоҳ  ташвиқу тарғиби  забону  адабиёти  чиноӣ ва ҷалби таваҷҷӯҳи  сокинони   Тоҷикистон   ба омӯзиши   забони  чинӣ  мебошад. Намоишгоҳи  мазкур  баъдан  дар  Донишкадаи  давлатии  забонҳо,  мактаби  миёнаи  №21,  мактаби  миёнаи  №10 ва  Китобхонаи  миллии ба  номи  Фирдавсӣ  ташкил  карда  мешавад.