СЕМИНАРИ МУФИД

Муъминобод, 18 май. (АМИТ «Ховар», Сулаймон  Холов). — Дар  ноҳияи Муъминобод  семинар   дар  мавзӯи   лоиҳаи  бақайдгирӣ  ва системаи  кадастрии  замин  барои  рушди  соҳаи  кишоварзӣ  аз тарафи  намояндагони  пажуҳишгоҳи  зоология ва  парзиталогия , пажуҳишгоҳи  илмию  тадқиқотии  зироаткорӣ,  маркази   дастгирии  хусусигардонии  хоҷагиҳо  ва  донишгоҳи  аграрии  Тоҷикистон  доир  гардид, ки  дар  кори  семинар  беш  аз  15  роҳбарони  хоҷагиҳои   деҳқонӣ,  шӯъбаи  муҳити  зисти  ноҳия, мутахасисони  кумитаи   заминсозӣ,  ва  хоҷагии  ҷангал  ширкат   варзиданд.   Мақсад  аз  гузаронидани    семинар   омӯзонидани  усулҳои  муосире, ки   барои  баланд   бардоштани ҳосилнокии  заминҳои  кишоварзи   боғдорӣ,  нигаҳдории  замин  аз  эрозия  мусоидат   менамояд, тавсия  дода  шуд.  Дар   семинар  мутахасисони   академияи  илмҳои  Ҷумҳуриявӣ  ташкилоти  илмии  истеҳсоли  боғпарвар  ва дигар  мутахасисони  соҳаи  кашоварзӣ  баромад  намуда  оид ба пешгири   кардан  аз ҳар  навъ  касалиҳои сироятии  замин,  тарзи   таъмин  кардани    нуриҳои  органикӣ ва  минералӣ   ба  замин,  ва  муҳофизати    зироатҳо  аз  ҳашаротҳои  зарарасон  ба ҳозирин  сӯҳбат  ороста  доир  ба  ин    мавзӯъ  саволу  ҷавоб  намуданд. Маҳмад   Султонов   мутахасиси   пажуҳишгоҳи илмию тадқиқотии боғпарварии ҶТ оид ба соҳаи  картошкапарварӣ   баромад  карда   гуфт, ки   ноҳияи  Муъминобод  ба  картошкапарварӣ  шуғл  дорад  аз  ин лиҳоз  ҳарчи   бештар     заминро    сари  вақт   ба   доруҳои  химиявӣ   таъмин  намуда   картошкаро  аз  ҳар  хел  касалиҳои  сироятӣ пешгирӣ  бояд  кард. Дар  охири  семинар  намояндагон   аз фаъоляти се хоҷагии  деҳқоние, ки  ба  боғкории картошкапарварӣ ва  зироаткорӣ шуғл доранд шинос  гардида  бо  коргарон аз шароити имрӯзаи   онҳо  сӯҳбат оростанд. Мавриди зикр аст, ки чунин семинар дар ноҳияҳои  Ховалинг,  Шӯрообод  ва  Темурмалик  низ  гузаронида   шуд.