УКРАИНА БА ТОҶИКИСТОН ҲАМДАРДӢ ИЗҲОР МЕКУНАД

Душанбе,  12 май. (АМИТ «Ховар», Наталя  Михайлова). —  Сарвазири  Украина  Николай  Азаров ба  унвони  Сарвазири  Ҷумҳурии  Тоҷикистон  Оқил  Оқилов  вобаста  ба  рух додани  фалокатҳои табиӣ —  боришҳои тӯлонӣ  дар  мамлакат   ва бар  асари онҳо  ҳалок гардидани теъдоди  зиёди одамон барқияи  ҳамдардӣ  фиристод.  «Ба  Шумо  аз  номи  Ҳукумати  Украина  ва  шахсан  аз  номи  худ   вобаста  ба  ҳалокати одамон бар  асари обхезӣ ва  омадани  сел  самимона  изҳори  ҳамдардӣ  менамоям», — гуфта  мешавад дар  барқия. Н.Азаров  аз  Сарвазири  Тоҷикистон  хоҳиш  менамояд, ки  ҳамдардии  ӯро ба  аъзои оила ва  хешу таборони  шахсони  ҳалокшуда  расонад.