ЗЕРЛОИҲАИҲОИ ПЕШНИҲОДГАРДИДА ДАСТГИРӢ ЁФТАНД

Душанбе, 17 май. (АМИТ «Ховар», Лаззат Диловарзод).- Бино ба гуфти сардори Муассисаи давлатии маркази идоракунии лоиҳаи «Рушди деҳот» Усмон Сабзов, маркази татбиқи лоиҳа мунтазам ба мутахассисон дастур           медиҳад, ки бештар ба он зерлоиҳаҳое аҳамият диҳанд, ки онҳо аз ҷониби сатҳи камбизоати аҳолии деҳот пешбарӣ карда шудаанд. Боис ба ёдоварист, ки лоиҳаи «Рушди деҳот» дар ҳолати татбиқи ибтидоӣ қарор дорад ва Бонки Осиёгии Рушд фаъолияти лоиҳаро хуб арзёбӣ намудааст. Дар давоми татбиқи лоиҳа, Агентии назорати давлатии молиявӣ  ва мубориза бо коррупсия фаъолияти Муассисаи давлатии маркази идоракунии лоиҳаи «Рушди деҳот»- ро дар давоми як моҳ санҷида баромад.  Ба иттилои манбаъ, натиҷаи санҷиш нишон дод, ки маблағҳои лоиҳавӣ дар фаъолияти маркази татбиқи лоиҳа самаранок истифода шудаанд. Татбиқи лоиҳа мақсаднокии самтҳои онро ба нафъи аҳолии кишвар  амалӣ менамояд, ки он дар таҳкими сиёсати аграрии давлат саҳми арзанда хоҳад гузошт, — иброз дошт У. Сабзов ба мухбири АМИТ «Ховар».