«ЗУЛФИ СУРХ» БА КОМИССИЯИ ДАВЛАТӢ ПЕШНИҲОД ШУД

Душанбе, 17 май. (АМИТ «Ховар», Лаззат Диловарзод).- Бино ба иттилои котиби илмии Академияи илмҳои кишоварзӣ, профессор Давлатҷон Комилзода, Пажӯҳишгоҳи боғпарварию сабзавоткорӣ дар соҳаи ба вуҷуд овардани навъҳои беҳтарини  сабзавот, аз ҷумла сабзии навъи «Тиллоранг», пёзи анзури навъҳои «Дилкушо» ва «Суғдиён» ҳамчунин пиёзи «Ҳисорӣ» -ро ба Комиссияи давлатӣ пешниҳод намуд. Дар натиҷаи ҳамкорӣ бо Маркази умумиҷаҳонии сабзавоткорӣ (Тайван), се навъи   қаламфури тез бо номҳои шартии «Серҳосил», «Ханҷар» ва «Зулфи сурх»   барои  санҷиш ба Комиссияи давлатии навъсанҷӣ пешниҳод гардид.  Айни замон Пажӯҳишгоҳи боғпарварию сабзавоткорӣ бо Маркази умумиҷаҳонии сабзавоткорӣ — (Тайван) дар соҳаи картошкапарварӣ корҳои илмиро давом медиҳад. Дар натиҷаи ҳамкорӣ бо маркази мазкур чор навъи картошка бо номхои шартии «Нилуфар», «Шукрона», «Овчӣ» ва «Каримӣ», ки чанд сол боз аз рӯи онҳо корҳои илмӣ бурда  мешавад, барои санҷиш ба Комиссияи давлатии навъсанҷӣ  пешниҳод гардиданд. Дар пажӯҳишгоҳи мазкур корҳои илмӣ — тадқиқотӣ аз рӯи навъҳои дигари сабзавот давом дорад.