ҲАМКОРИҲОИ НАВИ МАРКАЗИ ДАСТГИРИИ ХУСУС ИГАРДОНӢ

Душанбе, 1 июн. (АМИТ «Ховар», Лаззат Диловарзод).-  Бино ба гуфти роҳбари маркази миллии лоиҳаи дастгирии хусусигардонии  хоҷагиҳо дар ноҳияи Ҷиргатол дар 5 кумитаҳои рушди ҷамоатҳои: Пилдон,  Сурхоб, Кашот, Лахш ва Муксу ҳамкориҳои судманд ба роҳ монда шудааст. Аз  ҷониби аҳолии ҷамоатҳои ноҳия барои татбиқи лоиҳа 263 адад зерлоиҳаҳо, ки самтҳои гуногуни рушди кишоварзиро дар бар  мегиранд, пешниҳод гардидааст. Маблағи умумии зерлоиҳаҳо 710 ҳазору 963 доллари амрикоиро  ташкил медиҳад. Ҷараёни гузаронидани мониторинги корҳо нишон дод, ки аҳолӣ маблағҳои лоиҳаҳоро бо назардошти талаботи муқарраргардидаи зерлоиҳаҳо самаранок истифода мебаранд. Дар ноҳия аз рӯи компоненти истеҳсолоти кишоварзӣ 63 адад зерлоиҳаҳо  амалӣ мегардад.