МАШВАРАТ ИДРОКУ ҲУШЁРӢ ДИҲАД

 Ҳисор, 8 июн. (АМИТ «Ховар», Ҳотам Рабиев).-Аз қабули Қонуни Ҷумҳурии Тоҷикистон « Дар бораи танзими анъана ва ҷашну маросимҳо дар Ҷумҳурии Тоҷикистон» се сол сипарӣ гардид.Дар ин муддат дар ноҳияи Ҳисор як қатор корҳои назаррас ба анҷом расид. Аввалан, дар тамоми ҷамоатҳо вохӯриҳо гузаронида, моҳияти қонуни мазкур ҳамаҷониба фаҳмонида шуд. Сониян, аз ҷониби комиссияи доимӣ, бахши танзим ва мақомоти ҳифзи ҳуқуқ бо гузаронидани санҷишҳои муштарак пеши роҳи қонуншиканиҳо саривақт пешгирӣ ва бартараф гардид.Ҳамчунин даъвати Сарвари давлат мӯҳтарам Эмомалӣ Раҳмон имкон дод, ки хатнатӯи садҳо кӯдакон дар якҷоягӣ бо мадади шахсони босаховат баргузор гардад. Тавре Ҷамолиддин Саидов мудири бахши танзими анъана ва ҷашну маросимҳои ноҳияи Ҳисор ба хабарнигори АМИТ «Ховар» гуфт,- дар ҳақиқат қабули қонуни мазкур бисёр саривақтӣ ва зарурӣ буд. Маҳз ҳамин қонун имкон дод, ки бисёр зуҳуротҳои номатлуб аз байн раванд. Боиси тазаккур аст, ки рӯзҳои наздик дар ноҳияи Ҳисор машварати ҷумҳуриявӣ дар мавзӯи танзими анъана ва ҷашну маросимҳо баргузор мегардад.