МУҲОКИМАИ ЛОИҲАИ ИЗҲОРОТИ САРОНИ ДАВЛАТҲО

Маскав,  24 июн. (АМИТ «Ховар»,  Ҳалима  Хушқадамова). —  Имрӯз  дар  маҷлиси  Шӯрои  доимии  Созмони   аҳдномаи  амнияти  дастаҷамъӣ  пешниҳоди  Федератсияи  Русия дар  бораи такмил  додани  роҳу  воситаҳои  вокуниш ба  вазъияти бӯҳронӣ  ва  лоиҳаи   изҳороти   сарони  давлатҳои  аъзои  созмон   бахшида ба   масъалаҳои   паҳн  гардидани  маводи  нашъадор  аз  Афғонистон  муҳокима  карда  мешавад.  Рӯзномаи  маҷлис  инчунин  лоиҳаи ҳуҷҷатҳоеро  дар бар  мегирад, ки  тартиби  ташкил  ва  фаъолияти   қувваю  воситаҳои  системаи  амнияти   дастаҷамъиро ба  низом  медароранд.