ТАЙЁРӢ БА ИСТИРОҲАТИ ТОБИСТОНА

Душанбе, 1 июн. (АМИТ «Ховар», Лаззат Диловарзод).- Бино ба иттилои шӯъбаи робитаҳои байналмилалӣ ва ҷамъиятии Агентии давлатии ҳифзи иҷтимоӣ, шуғли аҳолӣ  ва муҳоҷирати Вазорати меҳнат ва ҳифзи иҷтимоии аҳолӣ, соли ҷорӣ ҳангоми таътили тобистона беш аз 100 нафар хонандагони муассисаи таълимии «литсей – интернати  касбии махсуси маъюбони вазорати меҳнат ва ҳифзи иҷтимоии аҳолии Ҷумҳурии Тоҷикистон» барои дамгирӣ  ба истироҳатгоҳи «Коргарҷавонон»-и Ромит фаро гирифта мешаванд. Аз ҳисоби  100 нафар истироҳаткунандагон 20 нафарашон варзишгароне ҳастанд, ки нафақат дар мусобикаҳои ҷумҳуриявӣ, балки дар мусобиқаҳои умумиҷаҳонии  олимпиадаи махсуси варзишгарони нуқсони ҷисмонӣ дошта, дар кишварҳои Ирландия, Қазоқистон, Италя, Эрон ва давлати Ҷопон ғолибият ба даст оварда, соҳиби медалҳои тилло гардидаанд. Боиси тазаккур аст, ки литсей-интернати  мазкур дар тайёр кардани мутахассисони баландихтисос саҳми арзанда дорад, ки имрӯзҳо садҳо хатмкунандагони он дар соҳаҳои мухталиф кору фаъолият мекунанд.