ТОҶИКИСТОН БО ДОМИНИКАН МУНОСИБАТҲОИ ДИПЛОМАТӢ БАРҚАРОР НАМУД

Душанбе, 1 июн. (АМИТ «Ховар», Фарангис Раҳимова). – Чанде қабл дар Намояндагии доимии Ҷумҳурии Доминикан дар СММ маросими ба имзо расонидани Баёнияи муштарак оид ба барқарор намудани муносибатҳои дипломатӣ миёни Ҷумҳурии Тоҷикистон ва Ҷумҳурии Доминикан баргузор гардид. Тавре ба АМИТ «Ховар» аз Вазорати корҳои хориҷии кишвар хабар доданд, Баёнияи мазкурро аз ҷониби Тоҷикистон Намояндаи доимии Ҷумҳурии Тоҷикистон дар СММ Сироҷиддин Аслов ва аз ҷониби Ҷумҳурии Доминикан Намояндаи доимии Ҷумҳурии Доминикан дар СММ Сафир Федерико Алберто Куелло Камило имзо намуданд.