ВАРЗОБ ЧУН МИНТАҚАИ ТУРИСТӢ ЗЕРИ СУОЛ МЕМОНАД

Душанбе, 23 июн. (АМИТ «Ховар», Лаззат Диловарзод).-   Ҳирси ба даст овардани пулу мол ба он оварда расонидаст, ки ҳазорон хоҳишмандони сайру сайёҳии дараи хушманзари Варзоб таи ду- се соли охир наметавонанд дар ҷойи дилхоҳашон  дам гиранд ва истироҳат намоянд. Ин мавзеъ ба минтакаи фалокатбори экологӣ табдил ёфтааст,- мегӯяд нозири экологии ин минтақа Хурсандқул Боймуродов. Дар тамоми хати ҳаракати ашхоси ба истироҳат ниёзманд деворбандии истироҳатгоҳҳои корхонаҳои ҳуқуқиву инфиродӣ имкон намедиҳанд, ки кас ба соҳили дарёчаи Варзоб наздик гардида, соате зери сояи дарахту буттаҳои он дам гирад.  Бо қарори Ҳукумати  ҷумҳурӣ Варзоб минтақаи истироҳатӣ эълон гардидааст, пас  саволи матраҳ он аст, ки   кӣ ҳуқуқи   фурӯхтану ҷудо кардани ҳар   ваҷаб замини онро барои истифодаи шахсӣ дорад,  то дигаронро     аз истироҳати ин мавзеъ  маҳрум созад.  Сайёҳ, ки бояд озод бошаду озодона аз ин дараи зебоманзар истифода кунад, бо сабаби шахсӣ шудани ҳар ваҷаб замини он дигар ҳавои сайри ин диёрро дар дил намепарварад. Уқубат он чӣ ки имрӯз ин ҷо «бунёд» мегардад на ба рушди туризм, балки  ба қатъ шудани он оварда мерасонад ва Варзоб чун минтақаи туризм ва сайёҳӣ дар мусаввараҳо боқӣ мемонад.