947 ВОҲИДИ ҶОЙИ ХОЛӢ ДАР РАЁСАТИ ХИЗМАТИ ДАВЛАТӢ

Душанбе, 14 июн. (АМИТ «Ховар», Лаззат Диловарзод).- Раёсати хизмати давлатӣ аз фаъолияти нимсолаи якуми соли 2010 дар назди васоити ахбори омма ҳисобот дод. -Дар давоми шаш моҳи соли ҷорӣ ба Раёсат 1337 мавод ворид шудааст, ки асосан муроҷиати мақомоти давлатӣ ва хизматчиёни давлатӣ  оид ба гузаронидани озмун барои ишғоли мансабҳои холии маъмурии хизмати давлатӣ, аттестатсияи хизматчиёни давлатӣ, ҳимояи вазъи ҳуқуқии хизматчиёни давлатӣ, ҳисоб кардани собиқаи хизмати давлатӣ ва баррасии лоиҳаҳои санадҳои меъёрии ҳуқуқиро дар бар гирифтааст,- иброздошта шуд дар конфронси матбуотӣ. Дар конфрос ҳамчунин иброз   шуд, ки дар мақомоти давлатӣ  дар ин давра 18 ҳазору 443 воҳиди корӣ муқаррар шудааст, ки аз ин  барои 947 воҳид то имрӯз ҷойи холии  кор нигоҳ дошта мешавад. Дар давраи ҳисоботӣ 2221 нафар хизматчиёни давлатии мақомоти давлатӣ ба аттестатсияи навбатӣ фаро гирифта шуданд. Дар натиҷаи атестатсияҳо тибқи хулосаҳои комиссияҳои аттестатсионӣ,  1893 нафар хизматчиёни давлатии мақомоти давлатӣ ба мансаби ишғолнамудаашон мувофиқ баҳогузорӣ карда шудаанд.Ҳамзамон, 212 нафар хизматчиёни давлатӣ ба мансаби ишғолнамудаашон номувофиқ дониста шуданд ва ба мансабҳои пасттар гузаронидан тавсия дода шуданд. Дар конфронс қайд карда шуд, ки Раёсати хизмати давлатӣ минбаъд фаъолияташро дар самти татбиқи сиёсати давлатии кадрҳо. Батанзимдарории меъёрии ҳуқуқии соҳаи хизмати давлатӣ, ҷорӣ намудани механизмҳои муосири идоракунии захираҳои кадрӣ, тарбияи хизматчиёни давлатӣ, таҳкими иқтидори Раёсат ва Донишкада идома дода, иҷрои вазифаҳои дар наздаш гузоштаро таъмин менамояд.