КӮМАК БА МАЪЮБОН АЗ ҶОНИБИ ҲУКУМАТИ ВИЛОЯТИ СУҒД

Душанбе, 15 июл. (АМИТ «Ховар», Лаззат Диловарзод).- Бино ба иттилои дафтари матбуотии раиси вилояти Суғд, дар доираи таҷлили Рӯзи маъюбон ва пиронсолон   бо қарори раиси вилоят ба 215  нафар маъюбон ва пиронсолон кӯмаки яквақта барои ҳар як нафар ба миқдори  50 сомонӣ дода шуд. Бино ба иттилои ҳамин  манбаъ то 1-уми июли соли ҷорӣ 183 ҳазору 380 нафар нафақахӯрон ба қайд гирифта шудаанд, ки аз он 35 ҳазору 282 нафарашон гирандагони нафақаи маъюбӣ буда, 16 ҳазору 110 нафарашонро гирандагони нафақаи иҷтимоӣ ташкил медиҳанд. Ҳамзамон, тибқи қарори раиси вилоят барои беҳдошти вазъи моддии хона- интернатҳо ва марказҳои маъюбону пиронсолон  ба муносибати Рӯзи маъюбон 8 ҳазору 250 сомонӣ маблағ ҷудо карда шуд.