НАХУСТНАМОИШИ ФИЛМҲОИ АФҒОНӢ

Душанбе, 16 июл. (АМИТ «Ховар», Л. Эшонқулова) – 16 июл дар кохи «Ҷомӣ» ду филми бадеии истеҳсоли Ҷумҳурии Исломии Афғонистон муаррифӣ гардид. Дар ин бора аз сафорати Афғонистон дар Точикистон, ки ташкилкунандаи чорабинии мазкур маҳсуб мешавад, ба АМИТ «Ховар» хабар доданд. Дар маросими муаррифии филмҳо сафири Афғонистон дар Тоҷикистон Саидмуҳаммад Хайрхоҳ, аҳли илму адаби кишвар ва намояндагони ташкилотҳои хориҷӣ ширкат намуданд. Ба дӯстдорони санъати кино филми коргардони боистеъдоду ҷавон Салими Шоҳин намоиш дода шуд, ки филми мазкур драмаи ишқу ошиқӣ буда, муҳаббат ва зиндагии мардуми афғонро бозгӯ менамояд. Муаррифии ҷашнвора бо намоиши филми «Шикасти қалбҳо» ба анҷом расид — хабар доданд аз сафоратхона.