ОЗАРИҲО ҶОМИ «ФИРДАВСӢ»-РО БА БОКУ МЕБАРАНД
Душанбе, 14 июл.(АМИТ «Ховар», Марзия Саидова).- Намояндагони Ҷумҳурии Озарбойҷон дар дуюмин мусобиқаи байналмилалии варзишҳои зӯрхонаӣ, ки дар шаҳри Душанбе доир шуд, ғолиб баромада, соҳиби Ҷоми Ҳаким Абулқосим Фирдавсӣ гардиданд. Зинаи дуюми мусобиқа насиби варзишгарони тоҷик ва ҷойи сеюм бошад насиби намояндагони варзиши зурхонаии Эрон гардида, бо тӯҳфаҳои хотиравӣ қадрдонӣ гардиданд. Мавриди зикр аст, ки чорабинии мазкур бо мақсади ташвиқ ва тарғиби намуди варзиши зурхонаӣ, ҷалби ҷавонон ба он ва тавсеаи ҳамкории кишварҳои минтақа дар ин намуди варзиш гузаронида шуда, дар он дастаҳои варзишгарон аз кишварҳои Тоҷикистон, Афғонистон, Эрон, Озарбойҷон, Покистон ширкат доштанд. Мусобиқаи байналмилалии варзишҳои зӯрхонаӣ, ки дар толори зӯрхонаи ба номи Ҳаким Абулқосим Фирдавсӣ дар Душанбе доир гардид, бо иқдоми Федератсияи байналмилалии варзишҳои зӯрхонаӣ, Федератсияи варзишҳои зурхонаии Ҷумҳурии Тоҷикистон дар ҳамкорӣ бо Сафорати Ҷумҳурии Исломии Эрон дар Ҷумҳурии Тоҷикистон гузаронида шуд.
ДАҲСОЛАИ БАЙНАЛМИЛАЛӢ ОИД БА ТАҲКИМИ СУЛҲ. Амнияту субот омили асосии рушди устувори давлатҳо ва зиндагии шоистаи инсоният ба ҳисоб меравад
Имрӯз дар шаҳри Душанбе ҳаво то 37 дараҷа гарм мешавад
13 июл дар якчанд вазорату идора нишасти матбуотӣ баргузор мешавад
Камтар гап мезанем, бештар менависем: чӣ гуна завқи муштариён тағйир меёбад
Имрӯз дар ноҳияҳои кӯҳии Тоҷикистон ҳаво то 28 дараҷа гарм мешавад
«КИШВАРИ САБЗ». Соли 2026 дар Тоҷикистон беш аз 3,7 миллион ниҳоли дарахтони ҳамешасабз ва сояафкану ороишӣ шинонида шуд
Имрӯз дар шаҳри Душанбе ҳаво то 38 дараҷа гарм мешавад
Дар «Офтобак»-и шаҳри Норак 100 кӯдак ба истироҳат фаро гирифта шуданд
