АЗ ҲОСИЛИ КИШТИ ТАКРОРӢ ҚАНОАТМАНДЕМ

 Файзобод,17 август.(Амит “Ховар”,Зебо Давлатова) Тавре  сардори раёсати кишоварзии ноҳияи Файзобод Ҳукматулло Қодиров ба хабарнигори АМИТ ”Ховар”хабар дод, кишоварзони ноҳия тасмим гирифтаанд,ки мувофиқи  нақша  кишти такрориро дар майдони 76 гектар сари вақт ба анҷом расонанд.То имрӯз баъди ҷамъоварии ҳосили гандум дар майдони 65 гектар кишти такрорӣ гузаронида шуда, дар он     бодирингу лӯбиё,картошкаю помидор,ҷуворию мош ва тарбузу харбуза кошта шуд. Айни замон нашъунамои бодиринг,ки дар майдони 8 гектар дар хоҷагиҳои ба номи Рӯдакӣ,  Мизробшоҳ ва хоҷагиҳои деҳқонии  ҷамоати Бӯстон  кишт шудааст,хеле хуб буда, деҳқонон  боварӣ доранд,ки аз он ҳосили хуб ба даст меоранд.Деҳқонони хоҷагиҳои деҳқонии Иброҳим Салимов ва Назар Мисоқов дар масоҳати 2 гектар картошка шинондаанд.Кишоварзони хоҷагии деҳқонии Меҳробод дар масоҳати 3 гектар помидор шинонида, аллакай ҳосили онро пешкаши харидорон намуданд. Ҳукматулло Қодиров афзуд,ки вобаста ба шароити иқлими ноҳия деҳқонони ҷамоати деҳоти Бӯстон бори аввал дар масоҳати 3 гектар     мош коридаанд,Инчунин,дар  15 гектар зироатҳои полизӣ, аз қабили пиёзу картошка,помидору бодиринг ва дигар намудҳои  сабзавот  корида шудааст.Имрӯзҳо тамоми зироатҳое,ки дар  ҳудуди ноҳия баъди кишти такрорӣ шинонида шудаанд ,хуб нашъу намо доранд ва бо боварӣ гуфта метавонем,ки дар арафаи Иди Истиқлол шаҳрвандонро бо маҳсулоти тару тоза таъмин карда менамоем.