РӮЗИ ТАВВАЛЛУДИ БУЗУРГОНРО ДОНИСТАН ХУБ АСТ

Душанбе, 5  август. (АМИТ «Ховар», Ҳотам Рабиев).- Осори гаронбаҳои  фарзанди фарзонаи миллати тоҷик,нобиғаи   нотакрори  сатҳи  ҷаҳонӣ Абӯалӣ Ибни Сино дар тамоми рӯи олам китоби рӯимизии   табибон буду ҳаст.Шогирди бовафои ӯ Ҷузҷонӣ қариб тамоми лаҳзаҳои ҳаёту фаъолияти ин алломаи бузургро рӯи  коғаз овардааст.      Аз ҷумла,тибқи бисёр сарчашмаҳо рӯзи таваллуди Сино на 18 август, балки 16 август аст.18 август бошад рӯзи вафоти Абӯалӣ Ибни Синост.Ин факту рақамҳо дар китоби Энсиклопедияи адабиёт ва санъати тоҷик ва дар китоби олими варзида Мӯсо Диноршоев мавҷуданд. Вале ҳамасола табибони мамлакат иди касбии худро  18 август-яъне рӯзи вафоти Сино ҷашн мегиранд.Шояд баъзеҳо гӯянд,ки ин рӯзи ёдбуди Ибни Синост,вале дар рӯзи ёдбуд тантана кардан хуб нест.Бинобар ин агар табибони мамлакат иди касбии худро аз 18 август ба 16 август –яъне рӯзи таваллуди шифокори бузург Абӯалӣ Ибни Сино мегузарониданд, мантиқан дуруст мешуд.