ИНШООТИ ҶАШНИИ ПОЙТАХТ

 Душанбе, 3 сентябр.(АМИТ «Ховар», Марзия Саидова).-Дар остонаи ҷашни 19-умин солгарди Истиқлолияти давлатии Ҷумҳурии Тоҷикистон дар пойтахт 15 иншооти гуногун ба маблағи 50, 6 миллион сомонӣ ба истифода дода мешавад.  Тавре сармуҳандиси Раёсати сохтмони асосии шаҳри Душанбе Рустам Муродов дар сӯҳбат ба хабарнигори АМИТ «Ховар» гуфт, иншооти мазкур аксарияташон муассисаҳои бахши маориф мебошанд, ки бархе аз онҳо мавриди истифода қарор дода шуданад. Мактаби таҳсилоти умумии №72 дар маҳаллаи Бофандаи пойтахт барои беш аз  1200 ҷойи нишаст, хонаи истиқоматии 9 ошёнаи 108 ҳуҷрадор дар маҳаллаи Зарафшон 2/26 аз ҳамин қабил аст. Инчунин, таъмиру азнавсозии мактаби таҳсилоти умумии № 25 дар ноҳияи Сино, таъмири  умумии корпуси 3-уми мактаби таҳсилоти умумии №51 ноҳияи Фирдавсӣ,   кӯдакистонҳои №57, № 112, №139, таъмири асосии мактаб-кӯдакистони №3 ноҳияи Исмоили Сомонӣ, корҳои сохтмонӣ  ва насби панҷараҳо дар Боғи фарҳангу  фароғатии  «Пойтахт-80», бо нерӯи гармӣ  таъмин намудани  дармонгоҳи №1 тавассути  дегхонаи  ангиштӣ дар ноҳияи Фирдасӣ аз иншоотиҳои ҷашнӣ мебошанд.  Рустам Муродов афзуд, ки сохтмон ва таъмиру таҷдиди иншооти ҷашнӣ  аз ҳисоби буҷети шаҳри Душанбе маблағгузорӣ гардида, фармоишгари асосии он Раёсати сохтмони асосии шаҳри Душанбе мебошад.