РУШДИ МАОРИФ ДАР БАДАХШОН

Бадахшон, 13 сентябр. (АМИТ «Ховар»,Л. Додо).-Тӯли солҳои  Истиқлолият баробари соҳаҳои дигари  хоҷагии халқи  ВМКБ соҳаи маориф низ  пеш  рафт. Тавре сардори Раёсати маорифи  вилоят Ғарибшоҳ Ғарибшоев иттилоъ дод,  дар тӯли солҳои Истиқлолият ба хотири рушди соҳаи маориф танҳо аз буҷаи маҳаллӣ 156мл сомонӣ маблағ ҷудо гардид.              Соли 2010 ҳаҷми маблағгузории соҳа нисбат ба соли 2005 3, 5 маротиба зиёд шудааст. Солҳои 2009-2010 дар ҳудуди вилоят 139 мактаб таъмиру таҷдид шуда, дар 48 мактаби нав  299 синфхона бунёд гардид. Танҳо ба хотири ҷиҳозонидани муассисоти таълимӣ соли ҷорӣ  40931569 сомонӣ маблағ сарф гардид. Дар остонаи ҷашни Ваҳдат бо дастгирии Президенти Ҷумҳурии Тоҷикистон 500 адад компютер ва 90 адад принтер ба муассисоти таълимии вилоят тақдим гардид. Дар маҷмӯъ, таъмини мактабҳои  вилоят  бо компютер баландтарин нишондиҳанда дар ҷумҳурӣ мебошад. Ҳоло 350 нафар ҷавонони вилоят дар Донишгоҳҳои  Амрико, Ҳиндустон ва  Чин таҳсил мекунанд , ки ин ҳам аз шарофати Истиқлолият аст.