«ШАШБОЛОӢ»- НБО-И НАВ

Душанбе, 6 сентябр. (АМИТ «Ховар», Дилшодаи Ҷонмард).- Имрӯз дар ҷумҳурӣ НБО-и «Шашболоӣ», воқеъ дар ноҳияи Нуробод ба истифода дода шуд. Нерӯгоҳи барқи обӣ аз як агрегат иборат буда, иқтидори он 183 кВтро ташкил дода, он метавонад беш аз 200 оиларо бо барқ таъмин намояд.             Мавриди зикр аст, ки маблағи шартномавии нерӯгоҳ 450198 доллари ИМА-ро ташкил дода, он аз ҷониби Бонки Исломии Рушд ва Ҳукумати Ҷумҳурии Тоҷикистон маблағгузорӣ шудааст. Корҳои сохтмонӣ ва насби НБО – и «Шашболоӣ» аз ҷониби ҶДММ «Диамонти К» иҷро шудаанд.