ҲАШИШ ДАР АНБОРХОНА

Душанбе, 12 октябр. (АМИТ «Ховар», Мавҷуда Анварӣ). Дар вақти гузаронидани чораҳои фаврӣ-ҷустуҷӯии кормандони ШКД ноҳияи Ғончӣ шаҳрванд Мараҷабов Маъруф Акрамович, соли таваллудаш 1966, истиқоматкунандаи ҷамоати Далёни Боло, бекор дастгир шуд, ки ҳангоми азназаргузаронӣ аз анборхонаи ҳавлии истиқоматиаш 4 адад халтаи селофанӣ бо 112 кг. 660 гр. маводи нашъадори ҳашиш, дарёфт ва мусодира гардид. Ҳамчунин, дар дидбонгоҳи БДА «Деҳмой» автомашинаи тамғаи «Опел-Вектра» рақами давлатиаш ВВ 89-71 РТ 02 таҳти идораи Сабуров Фахриддин Турақулович, соли таваллудаш 1978, истиқоматкунандаи ноҳияи Зафаробод, ҷамоати Меҳнатобод, кӯчаи Пахтакор, хонаи 9/5, бекор, боздошт шуд, ки ҳангоми азназаргузаронӣ аз бордони автомашинаи ӯ  55 кг. 450 гр. маводи нашъадори ҳашиш дарёфт ва мусодира шуд, ки ин бор ба мусофирони автомашина Зиёев Ҳакимҷон Аҳёевич, соли таваллудаш 1964, истиқоматкунандаи шаҳри Душанбе, гузаргоҳи 1 к. Шарқ х. 20, бекор ва Хӯҷаев Умед Нормаҳмадович, соли таваллудаш 1979, истиқоматкунандаи н. Зафаробод, ҷамоати Меҳнатобод, к. Рўдакӣ х. 19/2, бекор, тааллуқ дорад. Аз рӯи ҳодисаи мазкур парвандаи ҷиноятӣ кушода шудааст. Дар ин бора Маҳмадулло Асадуллоев сардори  маркази матбуоти ВКД ба хабарнигори АМИТ «Ховар» хабар дод.