ХУШНАВИСОН ДАР ОСОРХОНАИ БЕҲЗОД ҶАМЪ МЕОЯНД
Душанбе, 11 октябр.(АМИТ «Ховар», Марзия Саидова).-Нахустин намоишгоҳи осори хаттотони эронӣ 12 октябр дар осорхонаи Беҳзоди Душанбе оғоз меёбад. Намоишгоҳи мазкур бо ибтикори муассисаи фарҳангии ЭКО ва Вазорати фарҳанги Тоҷикистон созмон дода шудааст. Назар ба иттилои масъули бахши матбуоти Сафорати Эрон дар Душанбе Ҳусайн Ширхонӣ, ҳадафи намоишгоҳ муаррифии ҳунари хушнависони эронӣ дар Тоҷикистон ва тавсеаи ҳамкориҳои фарҳангии ҳар ду кишвар аст. Дар намоишоҳ осори ҳунари беҳтарин хаттотони эронӣ ба маърази тамошо гузошта мешавад. Ҳ. Ширхонӣ афзуд, ки ҳунари хаттотӣ дар Эрон таърихи қадимаи беш аз 500 сола дошта, хеле маъмул ва ташаккулёфта аст. Ин аст, ки дар Эрон Анҷумани хушнависон созмон дода шудааст. Дар назар аст, ки дар намоишгоҳ раиси Анҷумани мазкур Амирхонӣ ва устодони шинохтаи ҳунари хушнависии Эрон ба мисли Ҳайдарӣ ва Кобулӣ ширкат менамоянд. Қабл аз оғози намоишгоҳ дар Вазорати фарҳанги ҷумҳурӣ бо иштироки сафирони кишварҳои узви ЭКО нишаст баргузор хоҳад шуд. Намоишгоҳ тӯли ду ҳафта идома меёбад.
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
Имрӯз дар вазоратҳои корҳои дохилӣ, адлия, Суди Олӣ, Хадамоти гумрук ва Палатаи ҳисоб нишасти матбуотӣ баргузор мегардад
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
Имрӯз дар Тоҷикистон ҳаво камабри бебориш мешавад
ОБОДОНӢ ДАР ДЕҲОТ. Дар деҳаи Роҷи Панҷакент варзишгоҳи мактабӣ ба истифода дода шуд
3010 нафар сайёҳони хориҷӣ манзараҳои нотакрори Ховалингро тамошо намуданд
