ИППОДРОМ НАВРӮЗГОҲИ ДУШАНБЕ МЕШАВАД

         Душанбе, 12 октябр.(АМИТ «Ховар», Марзия Саидова).- То Наврӯзи соли 2011 Ипподроми шаҳри Душанбе ба Наврӯзгоҳи шаҳрӣ табдил дода мешавад. Марҳилаи дуюми сохтмон ва таҷдиди он аз ҷониби пудратчӣ- Ҷамъияти дорои масъулияти маҳдуди «Хонасоз-4» ба маблағи беш аз 14 миллиону 186 ҳазор сомонӣ то ҷашни Наврӯзи соли оянда ба анҷом расонида мешавад.      Ҳамзамон,  то охири соли равон мактаби мусиқии бачагонаи №5-и идораи фарҳанги шаҳри Душанбе аз тарафи пудратчӣ ҶДММ «Ободии ҷамъият» дар ҳаҷми 219840 сомонӣ таъмиру таҷдид мегардад. Мавриди зикр аст, ки таъмиру таҷдиди иншооти мазкур армуғони хубест ҷиҳати истиқболи сазовори ҷашни 20-солагии Истиқлолияти давлатӣ ба сокинони пойтахт.