НАҚША 30, ИҶРО 32 МИЛЛИОН

Душанбе, 20 октябр. (АМИТ «Ховар», Лаззат Диловарзод).- Ҳукумати ноҳияи  Рӯдакӣ даромади буҷети маҳаллиро дар 9 моҳи соли ҷорӣ 30 млн. 436 ҳазору 777 сомонӣ пешбинӣ намуда бошад ҳам, аммо дар натиҷаи фаъолияти хуби кормандони  нозироти  андози ноҳия иҷрои буҷети маҳаллӣ аз ҳисоби саривақт ҷамъоварӣ шудани ҳамаи намуди андозҳо    ба 32 млн. 425 ҳазор сомонӣ расонида шуд, ки  ин нишондиҳанда нисбат ба ҳамин давраи соли 2009 6561 сомонӣ зиёд аст.    Дар ин давра андози даромад аз шахсони воқеӣ 12,5 фоиз, андоз аз арзиши иловашуда -15,2, андоз аз истифодабарандагони  роҳҳои автомобилгард- 6,6, андоз аз фурӯши чакана- 24,4 ва дигар андозу даромадҳо 47,2 фоизи ҳиссаи иҷрои қисми таркибии андозҳоро  нисбат ба ҳаҷми умумии даромади буҷет ташкил намуда, иҷрои андози 9 моҳа  ба пуррагӣ таъмин гардид,-иброз дошт раиси ноҳия Қодир Мансуров.