РУШДИ МАОРИФ ДАР БАДАХШОН

Бадахшон, 15 октябр. (АМИТ «Ховар», Л. Додо).-  Соли ҷорӣ, ки соли маориф ва фарҳанги техникӣ эълон шудааст, маорифчиёни ВМКБ ба пешрафт зиёд ноил гардиданд. Ба гуфти сардори раёсати маорифи вилоят Ғарибшо  Ғарибшоев соли ҷорӣ аз фонди Президенти ҷумҳурӣ 500 адад компютер ва 90 адад принтер ба макотиби вилоят ворид гардид. 172 довталабон ба макотиби олии кишвар аз рӯи ихтисосҳои фанҳои дақиқ дохил шуданд. Беҳтарин омӯзгорони фанни физика ва риёзӣ барои таҷрибаомӯзӣ ба Ҷумҳурии Лаҳистон фиристонида шуданд. Айни замон ҳафт нафар омӯзгорони макотиби вилоят бо кормандони донишкадаи такмили ихтисос дар таҳияи китобҳои дарсӣ кор мекунанд. Дар назди раёсати маорифи вилоят Академияи хурди толибилмон таъсис шуда, дар он беҳтарин хонандагон таҳсил доранд. Соли ҷорӣ дар олимпиадаи ҷумҳуриявӣ толибилмони Академия ширкат варзида, соҳиби се медали биринҷӣ гардиданд.