ЗИНДАГИИ БЕҲТАР ПЕШБИНӢ МЕШАВАД

    Душанбе, 5 октябр. (АМИТ «Ховар», Лаззат Диловарзод).- Қабули лоиҳаи Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2011» вазъи иқтисодӣ- иҷтимоии аҳолии Ҷумҳурии Тоҷикистонро куллан дигар хоҳад кард,- иброз дошт раиси шаҳри Ваҳдат, вакили Маҷлиси миллӣ Анвари Вайсиддин ба мухбири АМИТ «Ховар».    Тибқи ин санади қабулгардида, соли 2011 маҷмӯи маҳсулоти умумии Тоҷикистон дар ҳаҷми 30,2 млрд.сомонӣ ба нақша гирифта шудааст. Ҳамчунин дар асоси як қатор қарорҳои қабулнамудаи Ҳукумати ҷумҳурӣ барои бо қитъаҳои замини наздиҳавлигӣ таъмин намудани 30 ҳазору 102 оилаи эҳтиёҷманди шаҳру ноҳияҳои ҷумҳурӣ, аз ҷумла шаҳри Кӯлоб, ноҳияҳои Рӯдакӣ, Восеъ, Данғара, Бохтар, Ҷалолиддини Румӣ, Қубодиён, Шаҳритӯс, Ванҷ ва Айнӣ 3 ҳазору 802 гектар замин ҷудо карда шудааст.    Бо дастури Сарвари давлат, тақсими ин заминҳо дар асоси риояи қонунияту тартиботи ҳуқуқӣ ба роҳ монда мешавад.